უკრაინის თავდაცვის მინისტრის მოადგილემ, ანა მალიარმა განაცხადა, რომ უკრაინის შეიარაღებული ძალები ბახმუტის მიმართულებით წინ მიიწევენ, თუმცა მტერი თავს უყრის თავის რეზერვებს.

„ბახმუტისთვის ბრძოლები გრძელდება. მტერმა ბახმუტში თავისი რეზერვების დიდ ნაწილს თავი მოუყარა და საგრძნობლად გააძლიერა დაჯგუფება. მტერი დღეს მთელი დღე უტევს ბახმუტს. ყველა შეტევა მოიგერიეს ჩვენმა დამცველებმა. ამ დროისთვის ჩვენ ვაკონტროლებთ [ბახმუტის] სამხრეთ-დასავლეთ ნაწილს“, - აღნიშნა უკრაინის თავდაცვის მინისტრის მოადგილემ.