„მაკდონალდსმა“ დაიწყო სოციალური კამპანია (გასაკვირია - მაკდონალდსი და სოციალური კამპანია). 235 000-ზე მეტი ბავშვიანი ოჯახი სიღარიბეში ცხოვრობსო. ის, რომ 2012 წლის მონაცემები აქვს აღებული და დღეს ეს რიცხვი შემცირებულია, ეს ცალკე საკითხია. აქ მთავარი საკითხი მორალური ნაწილია. ის რისი სოციალური ვალდებულებაც აქვს მაკდონალდს, მაგალითად მის თანამშრომლები უზრუნველყოს ღირსეული ხელფასებით, გვახსოვს ადრე ალბათ, როგორ ხდებოდა ე.წ უხელფასო სტაჟირების პრაქტიკების გამოყენება, რამდენი ადამიანის პოსტი მაქვს წაკითხული რომ, 2 თვე ამუშავეს და მერე გაუშვეს,“ - წერს „ხალხის ძალის“ წევრი ნუკრი შოშიაშვილი.

როგორც შოშიაშვილი აღნიშნავს, თემურ ჭყონია საუბრობს რომ სოციალური პრობლემებია ქვეყანაში და გასაგებია, რომ ამ პრობლემებს ხელისუფლებას აბრალებს და არა იმ ეკონომიკურ ელიტას, რომელსაც თვითონ განეკუთვნება.

„მაკდონალდსმა დაიწყო სოციალური კამპანია (გასაკვირია - მაკდონალდსი და სოციალური კამპანია). 235 000-ზე მეტი ბავშვიანი ოჯახი სიღარიბეში ცხოვრობსო. ის, რომ 2012 წლის მონაცემები აქვს აღებული და დღეს ეს რიცხვი შემცირებულია, ეს ცალკე საკითხია. აქ მთავარი საკითხი მორალური ნაწილია. ის რისი სოციალური ვალდებულებაც აქვს მაკდონალდს, მაგალითად მის თანამშრომლები უზრუნველყოს ღირსეული ხელფასებით, გვახსოვს ადრე ალბათ, როგორ ხდებოდა ე.წ. უხელფასო სტაჟირების პრაქტიკების გამოყენება, რამდენი ადამიანის პოსტი მაქვს წაკითხული, რომ 2 თვე ამუშავეს და მერე გაუშვეს. როდესაც იმ სოციალურ ვალდებულებას არ ასრულებ, რაც უშუალოდ შენ გაკისრია და მერე იწყებ სხვა საკითხებზე საუბარს, არ არის დამაჯერებელი და პოლიტიკურ მიზნებსაც ემსახურება. ჩვენ კარგად ვიცით, რომ ბატონი ჭყონია, „ნაციონალებს“ მხარს უჭერს.

ბუნებრივიცაა, შევარდნაძისა და ნაცების დროს ისეთ სასათბურე გარემოში იყო, დავალებულიცაა მათგან. აქ არის ერთი მნიშვნელოვანი საკითხი - ჩვენ ქვეყანაში სტრუქტურული სიღარიბე, რომელიც 90-იან წლებიდან დღემდე აღმოუფხვრელი პრობლემაა, ისეთ ადამიანებისა და ეკონომიკური სისტემის ბრალია, როგორიცაა ჭყონია, ხაზარაძე და ა.შ. ამ ხალხმა პრივატიზაციის დროს, შემდეგ უკვე სხვადასხვა სახის პოლიტიკური მანევრირებით, შექმნეს ის ფონი, როდესაც საქართველომ დაკარგა ადგილობრივი წარმოება, შესაბამისად გაჩნდა უმუშევართა არმია, დაკარგა ეკონომიკის სხვადასხვა დარგები და შემდეგ ამ რესურსით საკუთარი ბიზნესი შექმნეს. სწორედ ასეთი ადამიანების წყალობით გაჩნდა სტრუქტურული უმუშევრობა, სწორედ მათი მხრიდან ეკონომიკური დარგების მოსპობამ შექმნა ის სიღარიბე, რომელსაც დღემდე ვცდილობთ რომ ვებრძოლოთ. მე ძალიან მაღიზიანებს მაკდონალდსების და მსგავსი ბიზნესების სოციალური რეკლამების, რომლებიც მიზეზები არიან, იმის თუ რატომ არის სიღარიბე.

არ არსებობს მსხვილი ეკონომიკური დარგი, რომელიც ადრე თუ გვიან საკუთარ პოლიტიკურ პროექტს არ ქმნის - მათი პოლიტიკური პროექტი კი ის არის, როდესაც შენ დანაშაულს, შენ მავნებლობას სხვას აბრალებ. ჭყონიას ინტერვიუ იყო, ლაპარაკობდა ქართველი ხალხის სიზარმაცეზე და ამით ხსნიდა უმუშევრობის მიზეზს, იმით კი არა რომ ლიმონათის ქარხნები აღარ გვაქვს, რომელსაც უნდა ემსახუროს, როგორც მუშა, ისე მეცნიერი, ხოლო მას შემდეგ რაც მან გაანადგურა ეს დარგი, მეცნიერიც აღარაა საჭირო, მუშების რაოდენობაც არაა საჭირო, ადგილობრივი პროდუქციაც არაა საჭირო (არც გლეხის შრომაა საჭირო). ეხლა კიდე საუბრობს რომ სოციალური პრობლემებია ქვეყანაში და გასაგებია, რომ ამ პრობლემებს ხელისუფლებას აბრალებს და არა იმ ეკონომიკურ ელიტას, რომელსაც თვითონ განეკუთვნება,“ - წერს შოშიაშვილი ფეისბუკზე.