ექსპერტი ნინო ფოჩხუა სოციალურ ქსელში და სხვადასხვა ტელეარხებზე გავრცელებულ ვიდეოს ეხმიანება, სადაც თითქოს 19 მაისს რუსეთიდან ჩამოფრენილ რეისზე ქართული ცეკვა შესრულდა. სინამდვილეში, გავრცელებული ვიდეო 2021 წელსაა გადაღებული, სადაც უკრაინელი ბორტგამცილებელები არიან.

ექსპერტის თქმით, ვეღარ შეიგნეს 21-ე საუკუნეა და ადვილია ნამდვილი ინფორმაციის მოძიება.

„ამ ერთსაათიან ტყუილებს რომ არ ეშვებიან?! ვეღარ შეიგნეს 21-ე საუკუნეა და ადვილია ნამდვილი ინფორმაციის მოძიება. აღარავის სჯერა ამათი, სულ ტყუილად ირჯებიან. მათი სექტის არ ვიცი და საქართველოს მოსახლეობა დიდი ხანია დასცინის მათ. ფაქტები რომ არ აქვთ ამ ხელისუფლების თუნდაც ერთი დაშვებული შეცდომის, ამიტომაა რომ რას იძახიან და რას ავრცელებენ, თვითონაც აღარ იციან. ძალიან ვიცინე ამ ნიუსზე, თან მიკვირს სუხიშვილებმა რატომ არ გააკეთეს განცხადება,“ - წერს ნინო ფოჩხუა ფეისბუკზე.