ოზურგეთში, ქალაქის ცენტრალურ მოედანზე - მოსწავლეების, მასწავლებლების და მშობლების ჩართულობით მასშტაბური ბოლო ზარი გაიმართა. ბოლო ზარის დასრულების შემდეგ კი საღამო  DJ გიგა პაპასკირმა გააფორმა.

ახალგაზრდებს სკოლის დამთავრება მიულოცეს და წარმატებები უსურვეს სახელმწიფო რწმუნებულმა გურიის მხარეში გიორგი ურუშაძემ, ოზურგეთის მერის მოადგილეებმა გიორგი ღურჯუმელიძემ, ნათია გოლიაძემ და საკრებულოს თავმჯდომარემ დავით დარჩიამ.

ღონისძიება ოზურგეთის მერიის მხარდაჭერით და საგანმანათლებო რესურსცენტრის ორგანიზებით ჩატარდა.