„ქართული ოცნება - დემოკრატიული საქართველოს" ქალაქ გორის მაჟორიტარი დეპუტატობის კანდიდატი იოსებ მაკრახიძე წინაარჩევნო კამპანიის ფარგლებში მოსახლეობასთან შეხვედრებს  აგრძელებს.

ამჯერად მაჟორიტარი დეპუტატობის კანდიდატი ქალაქის ცენტრში ( ე.წ. ცხრიანების მიმდებარე ტერიტორია) მცხოვრებ მოსახლეობას შეხვდა. შეხვედრაზე ქალაქის განვითარების გეგმაზე ისაუბრეს.

 „8 ოქტომბრიდან  ხელისუფლებასთან, არასამთავრობო ორგანიზაციებთან და ჩემს საყვარელ გორელებთან ერთად დავიწყებთ ჩვენი ქალაქის განვითარების გეგმის განხორციელებას. ჩემთვის პრინციპულად მნიშვნელოვანია სამოქალაქო აქტივობა, ახალგაზრდების ჩართულობა. მსურს, ჩვენი ქალაქის უკეთესი ცხოვრების შენებაში თითოეულმა გორელმა თავისი წილი აგური დადოს. ძალა ერთობაშია! ეს ერთობა მოგვიტანს 8 ოქტომბერს უდიდეს გამარჯვებას! ყველაზე მთავარია ქალაქის ურბანული განვითარება, რომელიც ორიენტირებული იქნება ქალაქის ინფრასტრუქტურულ კეთილმოწყობაზე, ხელოვნებისა და ისტორიული მემკვიდრეობის პატივისცემაზე, ფეხით მოსიარულეთა და ტრანსპორტის სხვა საშუალებების ორგანულ შერწყმაზე", - განაცხადა იოსებ მაკრახიძემ.

წინასაარჩევნო კამპანიის ფარგლებში, „ქართული ოცნება - დემოკრატიული საქართველოს" გორის რაიონის მაჟორიტარი დეპუტატობის კანდიდატი თემურ ხუბულური გორის მუნიციპალიტეტის სოფელ მეჯვრისხევის მოსახლეობას შევხდა.

შეხვედრაზე სოფელში არსებულ პრობლემებსა და ქვეყნის მასშტაბით სოფლის მეურნეობის განვითარების გეგმაზე ისაუბრეს. მეჯვრისხეველების უმთავრეს მოთხოვნას სასმელი წყლის მუდმივი გრაფიკით მიწოდების საკითხი წარმოადგენდა.

თემურ ხუბულურის თქმით, იგი ჰპირდება მოსახლეობას, რომ საკანონმდებლო ორგანოში მანდატის მოპოვების შემთხვევაში, 2017 წელს სხვა პრობლემებთან ერთად,სოფელში სასმელი წყლის მიწოდების პრობლემაც დროულად მოგვარდება.

 „ქვეყნის ეკონომიკის წისვლაში მოწინავე ადგილი სწორედ სოფლის მეურნეობას უკავია. უახლოეს მომავალში აღნიშნული სექტორი კიდევ უფრო მოდერნიზდება. სახელმწიფოს მხრიდან ახალი სერვისები და პროგრამები სოფლის მეურნეობის განვითარების პროცესს მნიშვნელოვნად დააჩქარებს, რაც ხელს შუწყობს სიღარიბისა და უმუშევრობის დაძლევას. ჩვენ გვაქვს უდიდესი სასოფლო-სამეურნეო პოტენციალი. პრიორიტეტულია ფერმერული და აგროინდუსტრიული წარმოების განვითარება ,რაც ბიძგს მისცემს ქვეყნის ეკონომიკის ზრდას, თითოეული სოფლად მცხოვრებლი ოჯახის შემოსავლის მნიშვნელოვნად გაზრდას", - განაცხადა „ქართული ოცნება - დემოკრატიული საქართველოს" გორის რაიონის მაჟორიტარი დეპუტატობის კანდიდატმა თემურ ხუბულურმა.