“ჩვენი დამოკიდებულება არის ის, რომ მსგავსი გადაწყვეტილებით ჩვენს ღირსეულ თანამოქალაქეებს, ჩვენს დიასპორელებს, რომლებიც ცხოვრობენ რუსეთის ფედერაციაში, გაუადვილდებათ სამშობლოსთან მიმოსვლა”, - ამის შესახებ საგარეო საქმეთა მინისტრმა ილია დარჩიაშვილმა ჟურნალისტებს განუცხადა.

„მთავარი საკითხი, რომლის მიმართაც ჩვენ გამოვხატეთ ჩვენი დამოკიდებულება არის ის, რომ მსგავსი გადაწყვეტილებით ჩვენს ღირსეულ თანამოქალაქეებს, ჩვენს დიასპორელებს, რომლებიც ცხოვრობენ რუსეთის ფედერაციაში გაუადვილდებათ სამშობლოსთან მიმოსვლა და ტექნიკური საკითხი, რომელმაც მოხსნა მათი სამშობლოსთან ურთიერთობის პრობლემები, ეს მათ ყოველდღიურ ცხოვრებას გაუადვილებს. რაც შეეხება ჩვენს განცხადებას, ჩვენ ვრჩებით ამ განცხადებაზე. ჩვენ ამ პროცესში მონაწილეობა არ მიგვიღია. იყო შესაბამისი გადაწყვეტილება მიღებული და ამ განცხადებაზე ვერც მეტს გეტყვით და ვერც ნაკლებს“, - განაცხადა დარჩიაშვილმა.

რუსეთის პრეზიდენტი ვლადიმირ პუტინი გაკვირვებულია იმ რეაქციით, რაც საქართველოსთან სავიზო რეჟიმის გაუქმებას მოჰყვა.