პარლამენტის პირველი ვიცე-სპიკერი გიორგი ვოლსკი უკრაინაში მიმდინარე ომთან დაკავშირებით ევროკომისიის პრეზიდენტის, ურსულა ფონ დერ ლაიენის განცხადებას გამოეხმაურა.

„იმ ლოგიკით, რასაც ნაცრევკომი პრემიერ-მინისტრის სიტყვების ინტერპრეტაციისას გვთავაზობს, გამოდის, ფონ დერ ლაიენი გვაფრთხილებს ხელი ავიღოთ ევროპული ოჯახის წევრობაზე“, - წერს ვოლსკი ფეისბუკზე.

როგორც უკრაინაში მიმდინარე ომზე საუბრისას ევროკომისიის პრეზიდენტმა, ურსულა ფონ დერ ლაიენმა ბრატისლავას უსაფრთხოების ფორუმზე სიტყვით გამოსვლისას აღნიშნა, „პირველად ჩვენს ისტორიაში, ქვეყანაზე განხორციელდა თავდასხმა მისი სურვილის გამო, იყოს ევროპული ოჯახის ნაწილი“.