„ადამიანი როცა უკადრებელს კადრულობს, პირველ რიგში, ადამიანობას კარგავს, მერე ღირსებას და სწორედ იმას ემგვანება, რასაც სხვას კადრებს!“ - ასე ეხმაურება ექსპერტი ლევან ნიკოლეიშვილი „ნაციონალური მოძრაობის“ ყოფილი მაღალჩინოსნის, გიორგი არველაძის მიერ გამოქვეყნებულ სტატუსს, სადაც მან პოლიციელებს „ძაღლობა“ უწოდა.

ნიკოლეიშვილის თქმით, მსგავსი გამონათქვამები სახელმწიფოებრივ აზროვნებას აბსოლუტურად სცილდება, არველაძე კი, პოლიციელებისთვის შეურაცხყოფის მიყენებით პოლიტიკური ხელმოცარულობას და ბოღმას ავლენს.

„ადამიანი, როცა უკადრებელს კადრულობს, პირველ რიგში ადამიანობას კარგავს, მერე ღირსებას და სწორედ იმას ემგვანება რასაც, სხვას კადრებს! ეს მხოლოდ სამწუხარო რეალობა არაა, ეს არის სახე სახედაკარგული სააკაშვილის ჩინოვნიკის, რომელმაც იცის, რომ ვერასდროს ვეღარ დაბრუნდება ხელისუფლებაში, გამწარებული და დაბოღმილი კი ამბობს იმას, რაც ყველაფერს რომ თავი დავანებოთ აბსოლუტურად სცილდება, სახელმწიფოებრივად მოაზროვნე გინდაც ყოფილი პოლიტიკოსისა და ჩინოვნიკის, გინდაც მოქმედისა და გნებავთ მომავალში კვლავ პოლიტიკაში დაბრუნების მოსურნეს აზროვნებას.

სახელმწიფოს უმნიშვნელოვანესი ინსტიტუტები თავდაცვა, უშიშროება და პოლიცია გახლავთ, ის რაზეც დგას ქვეყნისა და ჩვენი მოქალაქეების უსაფრთხოება და მშვიდობა-დაუშვათ ერთან თუნდაც ათ პოლიციელზე პირადად ხარ გაბრაზებული, მაგრამ ყველა პოლიციელს, რომ შეურაცხყოფას აყენებ და ძაღლებს უწოდებ, ამის მიზეზი კი ბოღმა და პოლიტიკური ხელმოცარულობაა, თვითონ ხდები შეურაცხყოფილიც და შეურაცხადიც!“ - წერს ლევან ნიკოლეიშვილი ფეისბუქზე.