„ამერიკელი „ექსპერტების“ უბედურება იმაშია, რომ სინამდვილეში ისინი ჯერ არ არიან მზად, აღიარონ LGBTQIA+ თემის რეალური პრობლემები: ეს ადამიანები არ არიან ნორმალურები! ისინი იძულებით არსებობენ სულ სხვა, ბიბლიურ კანონებზე შექმნილი გარემოს მიღმა, არანორმალური დეფექტებით, გაუკუღმართებული ფიზიოლოგიური და ფსიქოლოგიური გადახრებით, რის გამოც განწირულები არიან, ტანჯვაში გაატარონ ეს წუთისოფელი“, - ამის შესახებ „ხალხის ძალის“ წევრმა, დავით ქართველიშვილმა, სოციალურ ქსელში დაწერა.

მისი თქმით, LGBTQIA+ თემის ადამიანებს საშუალებას არ აძლევენ, დაინახონ საკუთარი ფსიქოლოგიური პრობლემები. ამის გამო ისინი ვერ გრძნობენ საზოგადოების სრულფასოვან წევრებად თავს და სუიციდისკენ არიან მიდრეკილნი.

„ძალიან საინტერესო სტატია გამოვიდა„ New York Time“s-ში, სახელწოდებით „რას ნიშნავს დღევანდელ ამერიკაში იყო ქვიარ-სტუდენტი“. ამ ავტორიტეტული გამოცემის მკვლევრებმა გააკეთეს „პარადოქსული აღმოჩენა“: მიუხედავად იმისა, რომ LGBTQIA+ თემის სოციალური ინკლუზიურობა და საზოგადოებრივი ადაპტაცია ამერიკაში არანაირ პრობლემას არ განიცდის, კოლოსალური უთანასწორობა იკვეთება „ქვიარებისა“ და მათი „ნორმალური“ თანატოლების ფსიქიკურ ჯანმრთელობას შორის. იგივე სურათი იკვეთება მათ მენტალურ ჯანმრთელობაშიც, სადაც ეს უფსკრული მხოლოდ იზრდება.

„Trevor Project“-ის კვლევებით დადგინდა, რომ LGBTQIA+ თემის ახალგაზრდებს შორის ბოლო სამ წელიწადში გაიზარდა, ასევე, სუიციდური აზრების სიხშირე. ამერიკულ საზოგადოებაში ამ კვლევების „პარადოქსულობა“ იმაში გამოიხატება, რომ, გაბატონებული მოსაზრების თანახმად, LGBTQIA+ თემის წარმომადგენლები „აბსოლუტურად ნორმალურები“ არიან. მაგრამ ის ფაქტი, რომ ჰეტეროსექსუალებთან შედარებით მათი წარმომადგენლები ლიდერობენ ისეთ კატეგორიებში, როგორიც არის ნარკომანია, ანტიდეპრესანტ-თერაპია, სუიციდი, პედოფილია, იმის ბრალია, თურმე, რომ ისინი ამერიკაში მაინც განიცდიან საზოგადოებრივ დისკრიმინაციას. როგორც კი შეწყდება მათი „რეპრესირება“, ვითარება მაშინვე „ნორმაში ჩადგება“.

ანუ, მითი LGBTQIA+ თემის „აბსოლუტური ნორმალურობის“ თაობაზე დაიმსხვრა. მათ აშკარად „რაღაც“ სჭირთ. და „New York Times“-ის ექსპერტებმა გამოიტანეს „საჭირო“ დასკვნები: ჯერ კიდევ არ არიან დამარცხებულნი ქვიარების ძირითადი მტრები - კონსერვატორები. ეს რესპუბლიკელების და ტრამპის „ფან-კლუბის“ ბრალია, თურმე, რომ ახალგაზრდობის რიგებში დღეს ყოველი მეორე ტრანსგენდერია, ყოველი მეხუთე - ბისექსუალი, ხოლო მათ თავის ქალებში კი სერიოზული პრობლემები აქვთ. მაგრამ ამ „საექსპერტო“ დასკვნებს თავი დავანებოთ...

ამერიკელი „ექსპერტების“ უბედურება იმაშია, რომ სინამდვილეში ისინი ჯერ არ არიან მზად, აღიარონ LGBTQIA+ თემის რეალური პრობლემები: ეს ადამიანები არ არიან ნორმალურები! ისინი იძულებით არსებობენ სულ სხვა, ბიბლიურ კანონებზე შექმნილი გარემოს მიღმა არანორმალური დეფექტებით, გაუკუღმართებული ფიზიოლოგიური და ფსიქოლოგიური გადახრებით, რის გამოც განწირულები არიან, ტანჯვაში გაატარონ ეს წუთისოფელი. ასთმით დაავადებულები განა იმიტომ არ იღებენ მონაწილეობას სპრინტში, რომ მათ საზოგადოების მხარდაჭერა აკლიათ, არამედ იმიტომ, რომ სირბილის დროს უჰაერობის გამო იხრჩობიან.

არ არსებობს იმაზე დიდი მზაკვრობა, „დახარვეზებულ“ ადამიანს დაუმალო მისი არასრულფასოვნების არსი, მისი ავადმყოფური მდგომარეობა, თუნდაც იმ მიზნით, რომ მისცე საშუალება, გაიაზროს საკუთარი „არანორმალურობა“, რათა მასთან შეგუების შესაძლებლობა მიეცეს. ასეთი ადამიანი განწირულია დასაღუპად ორსავე სოფელსა შინა...“, - წერს დავით ქართველიშვილი.