კასპის მუნიციპალიტეტის სოფელ ახალციხის საჯარო სკოლაში ცენტრალური გათბობის სისტემის მოწყობა მიმდინარეობს.

მიმდინარე სამუშაოებს  მუნიციპალიტეტის მერი ვახტანგ მაისურაძე და მერის მოადგილე ზურაბ კოპაძე ადგილზე გაეცნენ.

პროექტი ცენტრალური ბიუჯეტიდან 78 222 ლარის ფარგლებში ფინანსდება და  შპს „გურიამშენი“ ახორციელებს.

სკოლა დღემდე გასათბობად შეშის ღუმელებს იყენებდა. „პროექტის დასრულება უზრუნველყოფს სასწავლო პროცესის და სამუშაო პირობების გაუმჯობესებას“ - აღნიშნა ვახტანგ მაისურაძემ.