„ქართული ოცნების“ პარტიული კონფერენციები კახეთის რეგიონში დაიწყო. დღეს კონფერენციები გაიმართა თელავსა და ახმეტაში, რომელზეც ადგილობრივი ორგანიზაციის თავმჯდომარეები და ბიუროს წევრები აირჩიეს, - ამის შესახებ ინფორმაციას „ქართული ოცნების“ პრესსამსახური ავრცელებს.

მათივე ინფორმაციით, „ქართული ოცნების“ თელავის ორგანიზაციას თელავის მუნიციპალიტეტის მერი ლევან ანდრიაშვილი უხელმძღვანელებს.

ახმეტის ორგანიზაციის თავმჯდომარედ ახმეტის მუნიციპალიტეტის მერი, ალექსი ფიცხელაური აირჩიეს.

ხვალ, პარტიული კონფერენციები გაიმართება ყვარელში, ლაგოდეხსა და გურჯაანში.