პოლიტიკაში დაბრუნება საქართველოს მოქალაქეობის გარეშე - პატიმარ მიხეილ სააკაშვილის სამოქმედო გეგმებს პოლიტიკურ სპექტრში ეხმაურებიან.

„ხალხის ძალის“ ერთ-ერთი ლიდერის, გურამ მაჭარაშვილის თქმით, მიხეილ სააკაშვილის ერთადერთი გზა „ვივამედიდან“ ციხეში მიდის.

„ერთადერთი გზა არის „ვივამედიდან“ ციხეში. შესაძლოა, ესაა მისი ჩანაფიქრი, ციხიდან უფრო კარგად ჟღერს ალბათ, მისი ხმა. მოუწევს ციხიდან პოლიტიკური მოღვაწეობა, თუ აპირებს როგორც არა საქართველოს მოქალაქე“, - განაცხადა მაჭარაშვილმა.

ამასთან, ოპოზიციაში აცხადებენ, რომ სააკაშვილი ისედაც ჩრდილოვანი მმართველია, ხოლო რა გზებით აპირებს ის აქტიურ პოლიტიკაში ჩართვას, ეს საკითხი მათთვის გაუგებარია.