ევროპასთან ინტეგრაციის კომიტეტის თავმჯდომარე მაკა ბოჭორიშვილი და პირველი მოადგილე ლევან ქარუმიძე ესტონეთის რესპუბლიკის პარლამენტის ეროვნული თავდაცვის კომიტეტის თავმჯდომარეს კალევ სტოიჩესკუს, საგარეო საქმეთა კომიტეტის თავმჯდომარეს მარკო მიჰკელსონს და ასევე საქართველოსთან მეგობრობის ჯგუფის წევრებს შეხვდნენ.

ტალინში, სამუშაო ვიზიტის ფარგლებში გამართულ შეხვედრებზე განიხილეს საქართველო-ევროკავშირის ურთიერთობების მნიშვნელოვანი საკითხები, ევროინტეგრაციის პროცესში გატარებული რეფორმები და მიღწეული პროგრესი, ასევე, ევროკავშირის რეკომენდაციების შესრულების კუთხით საქართველოს მიერ გადადგმული ნაბიჯები.

საუბარი შეეხო უკრაინაში მიმდინარე რუსეთის აგრესიის გავლენას ევროპის უსაფრთხოების არქიტექტურაზე და საქართველოს წინაშე მდგარ გამოწვევებს.

ხაზი გაესვა ესტონეთის მხარდაჭერის მნიშვნელობას საქართველოს ევროკავშირში ინტეგრაციის პროცესში.