„არ ვიცი ვისთვის იყო მოულოდნელი ეს აღიარება“, - ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ ალუდა ღუდუშაურმა, მარტის აქციებზე დაკავებული ლაზარე გრიგორიადისის მამის, ბექა გრიგორიადისის განცხადების შეფასებისას აღნიშნა.

„ვფიქრობ, რომ მას კიდევ უფრო მეტი აქვს სათქმელი და ეს უბრალოდ მისი მხრიდან იყო ერთგვარი მინიშნება იმ პირებისა თუ ორგანიზაციების მისამართით, ვინც ბუნებრივია, ეს ადამიანები გამოიყენეს“, - განაცხადა ღუდუშაურმა.

ბექა გრიგორიადისმა „ფეისბუქის“ პირად გვერდზე დაწერა, რომ ლაზარე გარკვეულმა ორგანიზაციებმა და ენჯეოებმა გამოიყვანეს აქციაზე და მსხვერპლად შესწირეს რუსულ მთავრობას.