“საქართველო ბატონობას არასოდეს შეგძლებია”, - ამის შესახებ კინორეჟისორმა გოგა ხაინდრავამ გადაცემაში „ნოესთან“ განაცხადა. მან აღნიშნა, რომ საქართველომ საბჭოთა კავშირის დაშლას ხელი შეუწყო.

„1986 წლიდან ღიად დაიწყო პროტესტი საბჭოთა წყობის წინააღმდეგ, განსაკუთრებით ახალგაზრდებში. ამაში ძალიან დიდი როლი ითამაშა მერაბ კოსტავას ციხიდან გამოსვლამ და ახალი თაობის მოსვლამ - გია ჭანტურია, თამრიკო ჩხეიძე, ირაკლი წერეთელი, ირაკლი ბათიაშვილი. მთელი თაობა მოვიდა, რომელიც ღიად, დაუფარავად, უშიშრად აცხადებდა: „ჩვენ აღარ ვაპირებთ საბჭოთა კავშირის პრინციპებით ცხოვრებას“, - ამბობს ხაინდრავა.