თვითონ ანგარიში, რომელიც 1 თვის წინ პრემიერ-მინისტრმა პარლამენტს წარუდგინა, საკმაოდ შთამბეჭდავი და მოცულობითია, - ამის შესახებ „ქართული ოცნების“ დეპუტატმა, პარლამენტის განათლებისა და მეცნიერების კომიტეტის თავმჯდომარე, გივი მიქანაძემ „ქრონიკასთან“ განაცხადა.

„ეს არის არა ერთ უმნიშვნელოვანეს შედეგზე ორიენტირებული ანგარიში. მნიშვნელოვანია კითხვა-პასუხის რეჟიმი, რომელიც შემდგომში პარლამენტში გაიმართება. არ გვაქვს იმის მოლოდინი, რომ რადიკალური ფრთის ოპოზიციის მხრიდან, კონსტრუქციულ რეჟიმში წარიმართება ეს პროცესი“, - განაცხადა მიქანაძემ.

პარლამენტის პლენარულ სხდომაზე პრემიერ-მინისტრს ხვალ მოუსმენენ.