„ქართული ოცნების“ პარტიული კონფერენციები ქვემო ქართლის რეგიონში დასრულდა.

რუსთავში, გარდაბანში, წალკაში, თეთრიწყაროში, ბოლნისში, მარნეულსა და დმანისში ჩატარებულ კონფერენციებზე ადგილობრივი ორგანიზაციების თავმჯდომარეები და ბიუროს წევრები აირჩიეს.

„ქართული ოცნების“ დმანისის ორგანიზაციას  დმანისის მუნიციპალიტეტის მერი, კობა მურადაშვილი უხელმძღვანელებს;

ბოლნისის ორგანიზაციას - ბოლნისის მუნიციპალიტეტის მერი დავით შერაზადიშვილი;

მარნეულის ორგანიზაციას  - მარნეულის მუნიციპალიტეტის საკრებულოს თავმჯდომარე, ამირან გიორგაძე;

წალკის ორგანიზაციას -  წალკის მუნიციპალიტეტის მერი, ილია საბაძე;

თეთრიწყაროს ორგანიზაციას - თეთრიწყაროს მუნიციპალიტეტის მერი, გიორგი წიკლაური;

რუსთავის ორგანიზაციას - რუსთავის მუნიციპალიტეტის მერი, ნინო ლაცაბიძე;

გარდაბნის ორგანიზაციას - გარდაბნის მუნიციპალიტეტის მერი, დავით კარგარეთელი.

"ქართული ოცნების" პარტიული კონფერენციები უკვე ჩატარდა თბილისში, აჭარაში, სამცხე-ჯავახეთში, შიდა ქართლში, ქვემო ქართლში, მცხეთა-მთიანეთსა და კახეთში.