ანალიტიკოსი გია აბაშიძე, რუსული კომპანია „ლუკოილის“ მიერ აშშ-ის სხვადასხვა შტატში არსებული  ავტოგასამართი სადგურების ფუნქციონირებას სოციალურ ქსელში აფასებს.

აბაშიძის თქმით, რუსული კომპანია აშშ-ის მოსახლეობას პროდუქტების და სერვისების ფართო სპექტრს სთავაზობს. ამ ფონზე, ანალიტიკოსი ინტერესდება, სარგებლობენ თუ არა „ლუკოილის“ მომსახურებით კელი დეგნანის ახლობლები.

„რუსული „LUKOIL ჩრდილოეთ ამერიკა“ 200+ ავტოგასამართი სადგურის მეშვეობით სთავაზობს პროდუქტებისა და სერვისების ფართო სპექტრს ნიუ-იორკის, ნიუ ჯერსის და პენსილვანიის შტატებში.

საინტერესოა, წარმავალი ფარისეველი ელჩი კელი დეგნანის ახლობლები და კოლეგები თუ სარგებლობენ „LUKOIL“-ის სერვისებით? იქ საწვავი და საცხებ-საპოხი პროდუქცია შედარებით იაფია, ვიდრე სხვა დასავლური კომპანიების საცალო ქსელებში...“ - წერს გია აბაშიძე Facebook-ზე.