მუსიკოსი ელისო ბოლქვაძე „ნაციონალური მოძრაობის" კანდიდატს ნიკა რურუას მოუწოდებს, წინასაარჩევნო სარეკლამო ვიდეორგოლში მისი კადრები აღარ გამოიყენოს. მუსიკოსის თქმით, ის თავის თავს „ნაციონალურ მოძრაობასთან" არ მოიაზრებს და მოითხოვს რურუას მხარდასაჭერი ვიდეორგოლიდან მისი კადრების ამოღებას.

„ადამიანები, რომლებიც პოლიტიკური პარტიიდან იყრიან კენჭს მაჟორიტარად და ჩემს სახეს თავის სარეკლამო კლიპში იყენებენ, ვფიქრობ, მინიმუმ არაკორექტულია, როცა მე არ მეკითხებიან. ერთადერთი ენა ჩემი ურთიერთობის არის მუსიკის და მშვიდობის ენა.  მე ჩემს თავს არ მოვიაზრებ „ნაციონალურ მოძრაობასთან", არ ვდგავარ მის ღირებულებებთან  და არც მათი წარმომადგენელი  ვარ", - განაცხადა ელისო ბოლქვაძემ ტელეკომპანია „იმედში" სატელეფონო ჩართვისას.

თავად ნიკა რურუა ამ ფაქტში ცუდს ვერაფერს ხედავს, მაგრამ თანახმაა, მუსიკოსის მოთხოვნა დააკმაყოფილოს.