ლონდონის სასამართლოს ნაფიცმა მსაჯულებმა მსახიობი კევინ სპეისი სექსუალური შევიწროების საქმეზე უდანაშაულოდ ცნეს. ინფორმაციას ამის შესახებ ტელეკომპანია CNN-ი ავრცელებს.

სასამართლომ მსახიობი ოთხი მამაკაცის მიმართ შევიწროების ცხრავე მუხლით გაამართლა. ნაფიც მსაჯულთა სასამართლო განაჩენის გამოტანამდე 12 საათზე მეტხანს მსჯელობდა

მსახიობს სექსუალური ხასიათის სხვადასხვა დანაშაულის ჩადენაში სდებდნენ ბრალს. საქმე ეხება 2004-2013 წლების პერიოდს, როდესაც კევინ სპეისი ლონდონის Old Vic Theatre-ის სამხატვრო ხელმძღვანელი იყო.