საკოორდინაციო საბჭომ აქონდროპლაზიის ეროვნული პროტოკოლი დაამტკიცა

- +

26 ივლისი. 2023. 20:24

აქონდროპლაზიის ეროვნული პროტოკოლი დამტკიცებულია. გადაწყვეტილება იშვიათი დაავადებების საკითხებზე მომუშავე საკოორდინაციო საბჭომ მიიღო.

განისაზღვრა ტექნიკური საკითხები - როგორ უნდა დაინერგოს მედიკამენტი და მისი ადმინისტრირება.
მედიკამენტი „ვოსორიტიდი“ საქართველოში 2023 წლის შემოდგომაზე გახდება ხელმისაწვდომი. პირველ ეტაპზე ის 5 ბავშვს გაუკეთდება, რომლებსაც ასაკიდან გამომდინარე, მოლოდინის ნაკლები დრო აქვთ. პროტოკოლი ასევე დიაგნოსტიკისა და თერაპიის საკითხებსაც მოიცავს.

საკოორდინაციო საბჭომ ეროვნული პროტოკოლი რამდენიმეთვიანი მზადების პროცესში დაამტკიცა. პროცესში მათ კომუნიკაცია ჰქონდათ საერთაშორისო ექსპერტებთან.