ირლანდიელი მომღერალი შინეიდ ო'კონორი 56 წლის ასაკში გარდაიცვალა. ინფორმაციას ამის შესახებ ადგილობრივი მედია ავრცელებს.

2022 წელს, შინეიდ ო'კონორის შვილი გარდაცვლილი იპოვეს. მომღერალი წერდა, „ვაპირებ, ჩემს შვილთან წავიდე. მის გარეშე სიცოცხლეს არანაირი აზრი არ აქვს. ყველაფერი, რასაც კი ვეხები, ნადგურდება. მე მხოლოდ მის გამო ვრჩებოდი, ახლა კი ისიც აღარაა“.

ო'კონორი, რომელსაც წარსულში არაერთხელ უსაუბრია საკუთარ ფსიქიკურ პრობლემებსა და სუიციდურ აზრებზე, შვილის სიკვდილში თავს იდანაშაულებდა.