"კოლექტიური ნაცმოძრაობა ომისა და ღალატის პარტიაა, მათ ჰქონდათ დავალება, რომ საქართველო გამხდარიყო მეორე ფრონტი, რასაც მადლობა ღმერთს, ვერ მიაღწიეს," - ამის შესახებ პარტია „ქართული ოცნების“ თავმჯდომარემ და უმრავლესობის ლიდერმა, ირაკლი კობახიძემ გადაცემაში „იმედი LIVE“ განაცხადა.

„ამ ყველაფრის გამოხატულება არის ის, რომ ისინი არიან ჩვეულებრივი მოღალატეები. აქედან გამომიდინარე და ამ ყველაფრის გათვალისწინებით, ჩვენ არ ველოდებით არსებით ცვლილებას მათ პოლიტიკაში შემოდგომის შემდეგ. ეს გამორიცხულია. შესაბამისად, ამ პოლიტიკური ძალებისგან ჩვენ არ ველოდებით ქცევის თვისებრივ ცვლილებას, სამწუხაროდ, ისინი გააგრძელებენ მოღალატეობრივ საქმიანობას, ისევ გადაიხდიან ფულს, რომ საკუთარი ქვეყანა დასაჯონ, მოითხოვენ სანქციების დაწესებას - ეს ხომ ღალატია? ჩვენ კი უნდა გავაგრძელოთ ჩვენი დღის წესრიგი. ჩვენი დღის წესრიგია მშვიდობის შენარჩუნება და ქვეყნის განვითარება, განსაკუთრებით ეკონომიკური განვითარება“, - განაცხადა კობახიძემ.