„მუსიკალური საღამოების“ მასპინძელია დღეს მცხეთა, სადაც უკვე დამონტაჟდა სცენა და მოეწყო პავილიონები. გაიმართება გასართობი და შემეცნებითი ღონისძიებები. მუსიკალური დღეები კი კონცერტით დასრულდება.

„მუსიკალური საღამოები“ იმართება სამცხე-ჯავახეთშიც. მთავრობის ადმინისტრაციის მიერ ორგანიზებული ღონისძიება ბორჯომში 19:00 საათზე დაიწყება. მერაბ კოსტავას სახელობის სკვერში გაიმართება ადგილობრივი მეწარმეების პროდუქციის გამოფენა-გაყიდვა. დაგეგმილია საბავშვო გასართობი და შემეცნებითი ღონისძიებები.

სამეგრელოში კი „მუსიკალური საღამოების“ ღონისძიებებს მარტვილის მუნიციპალიტეტი მასპინძლობს. მოეწყობა ხელნაკეთი ნივთების გამოფენა გაყიდვა, საბავშვო გასართობი შოუები და სხვადასხვა აქტივობა. საღამო გრანდიოზული კონცერტით დასრულდება.