ყოფილი პოლიტპატიმარის, დაჩი ცაგურიას თქმით, ომიდან დაბრუნების შემდეგ როინ შავაძე ძალიან უკმაყოფილო და განაწყენებული იყო და მას დაემუქრნენ, რომ შეეწყვიტა რაღაცების ლაპარაკი, თორემ ამის გამო მკაცრად დაისჯებოდა.

მისი თქმით, როინ შავაძე არაადამიანურად დახვრიტეს.

„როინ შავაძე როდესაც დაბრუნდა ომიდან, ის ძალიან უკმაყოფილო და განაწყენებული იყო. მივიდნენ დასაშინებლად დაემუქრნენ და მოსთხოვეს, რომ შეეწყვიტა რაღაცების ლაპარაკი, თორემ ამის გამო მკაცრად დაისჯებოდა. წაიყვანეს შემდეგ და არაადამიანურად დახვრიტეს. ბრძოლა არ ჰქონდა გამოტოვებული და ლამის ყველა მისიაში მონაწილეობდა, უამრავი მედალი ჰქონდა მიღებული. არანაირი მტკიცებულება არც მაშინ ჰქონდათ და არც დღეს აქვთ“, - განაცხადა დაჩი ცაგურიამ.