უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთს ახლა არ აქვს უკრაინის პორტების ოკუპაციის შესაძლებლობა, ამიტომ მათზე თავდასხმები აბსოლუტურად ტერორისტული ქმედებაა.

„არის თუ არა ადეკვატური, რომ ადამიანი თავს ესხმის პორტებს? მოდით მხოლოდ ამაზე ვისაუბროთ. მას [პუტინი] არ შეუძლია ამ პორტების დაკავება. ანუ ეს არ არის სამხედრო ქმედება. ომზეც კი არ არის საუბარი. ანუ, ჩვენს პორტებში ვერ შევა. შეუძლებელია. მას არანაირი შესაძლებლობა არ აქვს. ჩვენ უბრალოდ ჩავძირავთ მის მთელ ფლოტს, თუ ის ჩვენთან ახლოს მოვა. და ეს მან კარგად იცის“, - აღნიშნა უკრაინის პრეზიდენტმა.