იტალიის პრემიერ-მინისტრმა ჯორჯა მელონიმ ბრიტანული როკ-ჯგუფის Placebo-ს ლიდერ ბრაიან მოლკოს შეურაცხყოფასა და ცილისწამებაში ადანაშაულებს. ამის შესახებ გაზეთი La Stampa წერს.

გამოცემის ინფორმაციით, მელონიმ მუსიკოსის წინააღმდეგ სარჩელი ტურინის სასამართლოში შეიტანა. ამის მიზეზი კი ქალაქში 10 ივლისს გამართული Placebo-ს კონცერტი გახდა, რომელზეც მოლკომ პუბლიკას იტალიურ ენაზე მიმართა, მელონის მიმართ უცენზურო ლექსიკა გამოიყენა და პრემიერს „ფაშისტი, რასისტი და ნაცისტი“ უწოდა. ამასთან მუსიკოსმა არაბინარული და ტრანსგენდერი ადამიანების მხარდამჭერი განცხადება გააკეთა და მათი დაცვის გაძლიერების აუცილებლობას გაუსვა ხაზი.

ტურინის პროკურატურამ ფაქტზე გამოძიება საზოგადოებრივი წესრიგის დარღვევის მიმართულებით დაიწყო.