უკრაინის პრეზიდენტის ადმინისტრაციის ხელმძღვანელმა, ანდრეი ერმაკმა განაცხადა, რომ უკრაინამ ბრიტანეთთან უსაფრთხოების გარანტიების შესახებ მოლაპარაკებები დაიწყო. ინფორმაციას ამის შესახებ უკრაინული მედია ავრცელებს.

„მართლაც, ჩვენი ამერიკელი კოლეგების შემდეგ, დავიწყეთ [კონსულტაციები] ჩვენს მეგობრებთან, პარტნიორებთან დიდი ბრიტანეთიდან. ეს არის ქვეყანა, რომელიც არის ჩვენი ერთ-ერთი მთავარი და სტრატეგიული პარტნიორი საკვანძო დახმარების კუთხით“, - აღნიშნა უკრაინის პრეზიდენტის ადმინისტრაციის ხელმძღვანელმა.

ანდრეი ერმაკის თქმით, მიზანს წლის ბოლომდე ორმხრივი შეთანხმებების გაფორმება წარმოადგენს იმ ქვეყნებთან, რომლებიც უკრაინისთვის უსაფრთხოების გარანტიებს უზრუნველყოფენ.