ტყის მასშტაბური ხანძრის გამო, ტენერიფეზე დაახლოებით 4 500 ადამიანის ევაკუაცია გახდა საჭირო. ინფორმაციას ამის შესახებ სააგენტო Reuters ავრცელებს.

„ეს არის ყველაზე რთული ხანძარი, რაც ჩვენ გვქონდა კანარის კუნძულებზე ბოლო 40 წლის განმავლობაში“, - განაცხადა რეგიონის ხელმძღვანელმა, ფერნანდო კლავიხომ პრესკონფერენციაზე.

ხანძარმა, რომელიც ოთხშაბათს გაჩნდა, სულ მცირე 2 600 ჰექტარი მიწა გაანადგურა.

ადგილობრივმა ხელისუფლებამ განაცხადა, რომ ხანძრის გავრცელებამ შეიძლება გამოიწვიოს შემდგომი ევაკუაცია მოსახლეობას ურჩია, თვალყური ადევნონ საჯარო სამსახურის გაფრთხილებებს.