აშშ-ის ოფიციალური პირების განცხადებით, ომის დაწყების შემდეგ, დაღუპული ან დაჭრილი რუსი და უკრაინელი ჯარისკაცების საერთო რაოდენობა 500 000-ს უახლოვდება. ინფორმაციას ამის შესახებ გაზეთი The New York Times-ი ავრცელებს.

ამერიკელი ოფიციალური პირების თქმით, დანაკარგების რიცხვი რთული შესაფასებელია, რადგან რუსეთი ომში დაღუპულებსა და დაჭრილებს არასრულად აღრიცხავს, ხოლო უკრაინა ოფიციალურ რაოდენობას არ ამხელს. მაგრამ მათ განაცხადეს, რომ ხოცვა გაძლიერდა წელს აღმოსავლეთ უკრაინაში და გაგრძელდა სტაბილურად, რადგან თითქმის სამი თვის კონტრშეტევა გრძელდება.

ამერიკელი ოფიციალური პირების თქმით, რუსეთის სამხედრო დანაკარგები 300 000-ს უახლოვდება. აქედან 120 000 დაღუპული და 170 000-დან 180 000-მდე დაჭრილი.