შავი ზღვის მარცვლეულის შეთანხმების შეწყვეტის შემდეგ, ოდესის პორტიდან მარცვლეულით დატვირთული მეორე გემი გავიდა. ხომალდმა სამოქალაქო გემებისთვის გახსნილი უსაფრთხო დერეფანი უნდა გაიაროს. გემების გადაადგილებას საფრთხეს უქმნიან რუსეთის სამხედრო გემები და ზღვაში მცურავი ნაღმები.

კრემლში აცხადებენ, რომ დროებით დერეფანში გემების გადაადგილებას, შავი ზღვის მარცვლეულის შეთანხმების აღდგენის პერსპექტივასთან კავშირი არ აქვს. რუსეთის პრეზიდენტის პრესმდივნის თქმით, ამ შეთანხმების გაგრძელება, მხოლოდ რუსეთის მოთხოვნების დაკმაყოფილების შემდეგაა შესაძლებელი.