ექსპერტი ლევან ნიკოლეიშვილი „კურიერის“ მიერ გავრცელებულ ინფორმაციას ეხმიანება, რომლის თანახმად, შეხვედრაზე, სადაც გიორგი ვაშაძე და ლევან ხაბეიშვილი კრის სოჩას ბიძინა ივანიშვილის სანქცირებაზე ესაუბრებოდნენ, მოულოდნელად, ყოფილი პრემიერი გიორგი გახარიაც გამოჩნდა.

ნიკოლეიშვილის თქმით, გიორგი გახარია  უკუღმართობის და  ამორალურობის კლასიკური მაგალითია. მას, როგორც აგენტს, დაავალეს და ასრულებს, უთხრეს, ეღალატა და უღალატა.

„არ მიკვირს, რომ გახარია ნაცებთან მივიდა, სადაც თურმე ბიძინა ივანიშვილის სანქცირების საკითხს განიხილავენ. არც ის მიკვირს, ნაცები რომ გუშინდელ თვალთხარიას გულში იხუტებენ. თუმცა, რა არის გასაკვირი - თავის დროზე რეგიონებში კოალიცია სწორედ გახარიას  და ნაციონალებს შორის შედგა. მანამდე კახი კალაძეს მერობაში ეცილებოდა. საერთოდ კი პრემიერობა მელიასთან და რადიკალ ნაცებთან მეგობრობაში გაცვალა. მეგობრებს თვითონ ირჩევენ, თუმცა, არა ძველი მეგობრების და საერთოდ ფეხზე დამყენებლების ღალატის ფასად. გახარია  უკუღმართობის და  ამორალურობის კლასიკური მაგალითია. მას, როგორც აგენტს, დაავალეს და ასრულებს, უთხრეს, ეღალატა და უღალატა. როგორც ჩანს, მუხანათობით  და უმადურობით კიდევ ბევრჯერ გაგვაოცებს, დარწმუნებული ვარ, ნაცებსაც, თუმცა, ვინ ვის გააოცებს, ეს კიდევ საკითხავია - გახარია ნაცებს თუ ნაცები გახარიას. მთავარი კი ის არის, ნაცებს გახარია უნდა ჰყავდეთ და გახარიას ნაცები,  რეალურად ერთი მუხანათური შემადგენლობაა“, -წერს ლევან ნიკოლეიშვილი Facebook-ზე.