გაეროს გენერალურ ასამბლეაზე სიტყვით გამოსვლისას თურქეთის პრეზიდენტმა, რეჯეფ თაიფ ერდოღანმა განაცხადა, რომ ყარაბაღი აზერბაიჯანის ტერიტორიაა.

"ჩვენ ველით, რომ სომხეთი შეასრულებს დაპირებებს, პირველ რიგში, ზანგეზურის დერეფნის გახსნას. ყარაბაღი, როგორც უკვე ყველამ მიიღო, აზერბაიჯანის ტერიტორიაა და მისთვის სხვა სტატუსი არ მიიღება. ჩვენი პირველი მიზანი უნდა იყოს აზერბაიჯანის ტერიტორიაზე ყველას, მათ შორის სომხების მშვიდობიანი თანაცხოვრება. ჩვენ მხარს ვუჭერთ აზერბაიჯანის მიერ გადადგმულ ნაბიჯებს და ერთად ვივლით ლოზუნგით "ერთი ერი - ორი სახელმწიფო", - აღნიშნა ერდოღანმა.