„მას შემდეგ, რაც ბევრმა გააცნობიერა, რომ შარშან, ივნისში მიღებული გადაწყვეტილება იყო როგორც სტრატეგიული, ისე პოლიტიკური შეცდომა, ვფიქრობ, ამის გააზრებით, წელს სხვა პასუხისმგებლობით მიუდგება ევროკავშირი სტატუსის მინიჭების საკითხს“, - ამის შესახებ პარლამენტის თავმჯდომარემ, შალვა პაპუაშვილმა რუმინეთში, ჟურნალისტებთან განაცხადა.

„არანაირი მიზეზი სტატუსის არმინიჭების არ არსებობს. თუ ვინმეს უნდა, საბაბი მოძებნოს, ყოველთვის შეძლებს მოძებნოს. ამიტომ მნიშვნელოვანია ამ პასუხისმგებლობით მოქმედება. ამიტომ გვაქვს შეხვედრები ევროკავშირის წევრი ქვეყნების წარმომადგენლებთან. რადგანაც გვაქვს მხარდაჭერა. ვნახოთ, იმედია, წელს სამართლიანი გადაწყვეტილება იქნება მიღებული“, - აღნიშნა პაპუაშვილმა.