ექს-პრემიერი ბიძინა ივანიშვილი გადაცემაში „შეხვედრები რეგიონულ მედიასთან" „ქართული ოცნების" მაჟორიტარობის კანდიდატების ბოლოდროინდელ ცვლილებებთან დაკავშირებით საუბრობს. ივანიშვილის თქმით, ცალკეულ შემთხვევას ცალკეული მიზეზი გააჩნია, მაგრამ იგი გამორიცხავს ამის მიზეზად „ქართულ ოცნებაში" რაიმე კონფლიქტს.

„გოდერძი ბუკიამ თავად გადაწყვიტა ბიზნესში წასვლა. ის მიხვდა, რომ მის ბიზნესს პარლამენტიდან დაცვა აღარ სჭირდებოდა და ამიტომ წავიდა.

რაც შეეხება „ქართული ოცნების" მაჟორიტარობის კანდიდარების შეცვლას ჩოხატაურსა და ლანჩხუთში, ცალკეულ მიზეზს ცალკეული გარკვევა უნდა, შეიძლება მათ საკმარისი პოპულარობა ვერ მიიღეს საზოგადოებაში, შეიძლება კიდევ სხვა მიზეზი იყო, ასაკობრივი ან სხვა, მაგრამ არანაირი კონფლიქტი გუნდში არ არის", - აცხადებს ბიძინა ივანიშვილი.