თურქეთის პრეზიდენტის, რეჯეფ თაიფ ერდოღანის განცხადებით, ყარაბაღთან დაკავშირებით სამართლიანობამ გაიმარჯვა.

„ყარაბაღის საკითხში სამართლიანობამ გაიმარჯვა. ყარაბაღმა, 30 წლის შემდეგ, თავისუფლება მოიპოვა“, - აღნიშნა თურქეთის პრეზიდენტმა თურქეთის დიდ ეროვნულ ასამბლეაზე სიტყვით გამოსვლისას.

მისი თქმით, თურქეთს სურს, გააფართოვოს თავისი მეგობრების წრე და მზადაა, ითანამშრომლოს მათთან, ვინც თურქეთს მის მიერ გაწვდილ მეგობრობის ხელს ჩამოართმევს.