საბერძნეთში 50 წლის ქართველი ემიგრანტი კაცი მოკლეს. როგორც ბერძნული მედია იუწყება, ის 74 წლის კაცმა ცოლის და 3 არასრულწლოვანი შვილის თვალწინ მოკლა.

როგორც ცნობილია, თავდამსხმელი იმავე კორპუსში ცხოვრობდა, სადაც ქართველი ემიგრანტის ოჯახი. ამ ინციდენტამდე კი მათ ოჯახში, მათი 12 წლის ქალიშვილის დაბადების დღის სუფრაზე იმყოფებოდა, რა დროსაც ერთად ჭამეს, დალიეს და სახლებში დაბრუნდნენ, თუმცა თავდამსხმელი მათთან იარაღით დაბრუნდა და ქართველს თავში ესროლა. თავს დაესხა მსხვერპლის ცოლსაც და იმუქრებოდა, რომ ბავშვებსაც მოკლავდა.

45 წლის ქალს ტყვია მხრის არეში აქვს მიყენებული და საავადმყოფოში მძიმე მდგომარეობაშია გადაყვანილი,

პოლიციამ თავდამსხმელი უკვე დააკავა. როგორც მედია წერს, დაკავებულს მომხდარის შესახებ პოლიციისთვის ამ დრომდე არაფერი მოუყოლია, რადგან ის ალკოჰოლის ზემოქმედების ქვეშ იმყოფება.