"დღეს, შეგვიძლია სამხრეთ კავკასიაში მშვიდობის ეპოქაში შევიდეთ," - განაცხადა აზერბაიჯანის პრეზიდენტმა, ილჰამ ალიევმა.

აზერბაიჯანის ლიდერის თქმით, აზერბაიჯანის ტერიტორიული მთლიანობის აღდგენის გამოცდილება ძალიან უნიკალური და განუმეორებელი მოვლენაა.

"ჩვენ ბოლო მოვუღეთ კონფლიქტს. ამ კონფლიქტის მოგვარების შედეგად ჩვენ შევინარჩუნეთ ღირსება და აღვადგინეთ საერთაშორისო სამართალი", - აღნიშნა ილჰამ ალიევმა.

"დღეს შეგვიძლია სამხრეთ კავკასიაში მშვიდობის ეპოქაში შევიდეთ. ეს არის ჩვენი აზრი. თანამშრომლობა, ორმხრივად მომგებიანი პროექტები, ორმხრივი სარგებელი - ამ ყველაფერს დღეს ვაჩვენებთ", - დასძინა მან.