სომხეთის პრემიერ-მინისტრმა, ნიკოლ ფაშინიანმა ევროკომისიის პრეზიდენტთან, ურსულა ფონ დერ ლაიენთან სატელეფონო საუბარი გამართა. ინფორმაციას ამის შესახებ სომხური მედია ავრცელებს.

სომხეთის პრემიერ-მინისტრის აპარატში განაცხადეს, რომ მხარეებმა განიხილეს მთიანი ყარაბაღის სომხების იძულებითი დეპორტაციის შედეგად შექმნილი ვითარება, ასევე რეგიონში არსებული სიტუაცია და სომხეთ-ევროკავშირის თანამშრომლობის დღის წესრიგთან დაკავშირებული საკითხები.