აშშ-ის პრეზიდენტმა ჯო ბაიდენმა ისრაელის პრემიერ-მინისტრ ბენიამინ ნეთანიაჰუსთან სატელეფონო საუბარი გამართა და „ჰამასის“ მიერ განხორციელებული თავდასხმა დაგმო.

თეთრი სახლის ლიდერის განცხადებით, ტერორიზმი არასოდეს არის გამართლებული.

„ისრაელს აქვს უფლება დაიცვას საკუთარი თავი და ხალხი. შეერთებული შტატები აფრთხილებს ისრაელისადმი მტრულად განწყობილ ნებისმიერი სხვა მხარეს, რომელიც ამ სიტუაციაში სარგებელს ეძებს. ჩემი ადმინისტრაციის მხარდაჭერა ისრაელის უსაფრთხოებისთვის მტკიცე და ურყევია“, - განაცხადა ჯო ბაიდენმა.