წინანდალში საქართველოს მთავრობისა და საპარლამენტო უმრავლესობის გასვლითი სამუშაო შეხვედრა გაიმართა.

„ქართული ოცნების“ პრესსამსახურის ინფორმაციით, შეხვედრაზე განიხილეს 2024 წლის სახელმწიფო ბიუჯეტის პროექტის მთავარი მიმართულებები. გამოითქვა მოსაზრებები, რას უნდა მიენიჭოს პრიორიტეტი მომავალი წლის ბიუჯეტში. ასევე, საუბარი შეეხო საბიუჯეტო თანხების განაწილებას.

მათივე ცნობით, წინანდალში გამართული სამუშაო შეხვედრა მნიშვნელოვან როლს ითამაშებს 2024 წლის სახელმწიფო ბიუჯეტის დაგეგმვასა და სწორი პრიორიტეტების განსაზღვრაში.