აშშ-ის წარმომადგენელთა პალატა არ აპირებს მხარი დაუჭიროს პრეზიდენტ ჯო ბაიდენის მიერ შეთავაზებულ 105 მილიარდი დოლარის საერთო სამხედრო დახმარების პაკეტს ისრაელისა და უკრაინისთვის. ამის შესახებ Fox Business-ის ეთერში რესპუბლიკელმა სენატორმა, ერიკ შმიტმა განაცხადა.

„ცინიკური პოლიტიკური სვლაა. ბაიდენი ცდილობს უბიძგოს არაპოპულარულ პროექტებს, როგორიცაა უკრაინის დაფინანსება, რაზეც ჩვენ 112 მილიარდი უკვე დავხარჯეთ“, - აღნიშნა მან.

სენატორი მიიჩნევს, რომ ისრაელისა და უკრაინის დახმარება ცალ-ცალკე უნდა განიხილონ.