მომღერალი რიანა ახალი მუსიკის გამოსაშვებად ემზადება. ამის შესახებ Mirror-ი წერს.

გამოცემის ინფორმაციით, 2024/2025 წლებში მომღერალი მსოფლიო ტურნეში გაემგზავრება. ამასთან, მას ორი ალბომისთვის საკმარისი კომპოზიციებიც დაუგროვდა.

ბოლო თვეების განმავლობაში რიანა მულტიმილიარდერი და მსოფლიოში ყველაზე მდიდარი ქალი მუსიკოსი გახდა. ეს დიდწილად მისი კოსმეტიკური ხაზის Fenty Beauty წარმატების დამსახურებაა. ამასთან, რიანა ორ შვილს ზრდის თავის პარტნიორთან, A$AP Rocky-სთან.