გერმანიაში, ქალაქ ალბშტადტში, ყოფილი პროტესტანტული ეკლესიის შენობაში გაიხსნება ტაძარი, რომელშიც მსურველები დაღუპულ შინაურ ცხოველებთან დამშვიდობებას შეძლებენ.

იდეის ავტორი კომპანია Schönhalde Tierbretung-ია, რომლის სპეციალიზაციაც ცხოველებისთვის რიტუალური მომსახურებაა.

ამ ეტაპზე შენობაში სარემონტო სამუშაოები მიმდინარეობს, რომლებიც სავარაუდოდ რამდენიმე თვეში დასრულდება. ტაძრის გახსნის შემდეგ, იქ სამგლოვიარო ცერემონიის ჩატარებას ძაღლების, კატების, ზაზუნების, თუთიყუშების, ღორების, ვირთხებისა და რეპტილიების პატრონები შეძლებენ.