ევროკავშირში რუსეთის საელჩოს ხელმძღვანელი კირილ ლოგვინოვი, სავარაუდოდ, ჯაშუშია დიპლომატიურ საფარქვეშ, – ამის შესახებ გერმანული მედია წერს. ლოგვინოვის საქმე არის „ესპიომატსის“ ჟურნალისტების უფრო ფართო კვლევის ნაწილი, რომელიც ეძღვნება ევროკავშირში შესაძლო რუს ჯაშუშებს, რომლებიც დიპლომატიურ საფარქვეშ მოქმედებენ.

48 წლის კირილ ლოგვინოვი 2018 წლიდან ბრიუსელში რუსეთის მუდმივ წარმომადგენლობაში დიპლომატად არის აკრედიტებული. მას შემდეგ, რაც დაახლოებით ერთი წლის წინ ევროკავშირში რუსეთის ბოლო ელჩმა დატოვა თანამდებობა, ლოგვინოვი მისიის დე ფაქტო ხელმძღვანელი გახდა. 2010-2014 წლებში ის მუშაობდა ბერლინში რუსეთის საელჩოში.

ჟურნალისტების თქმით, ბელგიის უსაფრთხოების სტრუქტურები ეჭვობენ, რომ ლოგვინოვი რუსეთის საგარეო დაზვერვის სამსახურზე მუშაობს.

მედიის ცნობით, ბელგიის კონტრდაზვერვამ, სავარაუდოდ, მოითხოვა მისი გაძევება, მაგრამ ევროპის საგარეო ქმედებათა სამსახური შეეწინააღმდეგა ამას, რადგან ეშინოდა შესაძლო შედეგების რუსეთში მყოფ ევროპელ დიპლომატებთან დაკავშირებით.