„როცა პრეზიდენტი კონსტიტუციას არღვევს, მის ნებისმიერ საქმიანობას ყველანაირი აზრი ეკარგება“, - განაცხადა პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძემ.

„ჩვენი პოზიცია პარლამენტში იმპიჩმენტის დროს დადასტურდა. საკონსტიტუციო სასამართლოს მიაჩნია, რომ პრეზიდენტმა კონსტიტუცია დაარღვია. კონსტიტუციის დარღვევა არის ერთ-ერთი ყველაზე დიდი გადაცდომა, რაც კი შეიძლება ნებისმიერი თანამდებობის პირმა ჩაიდინოს ქვეყანაში. მით უმეტეს, როცა ამას აკეთებს პრეზიდენტი, მის ნებისმიერ საქმიანობას ამის შემდეგ ყველანაირი აზრი ეკარგება და მგონი, შეფასებებიც აღარ ღირს, რას გააკეთებს“, - აღნიშნა სამხარაძემ.