გაეროში ისრაელის ელჩმა, გილად ერდანმა გაეროს გენერალურ მდივანს, ანტონიო გუტერეშს გადადგომისკენ მოუწოდა.

"გაეროს გენერალური მდივანი, რომელიც გაგებას ავლენს ბავშვების, ქალებისა და მოხუცების მასობრივი მკვლელობის კამპანიის მიმართ, არ არის შესაფერისი გაეროს ხელმძღვანელობისთვის. მოვუწოდებ მას, დაუყოვნებლივ გადადგეს. არავითარი გამართლება და აზრი არ აქვს საუბარს მათთან, ვინც თანაგრძნობას გამოხატავს ისრაელის მოქალაქეებისა და ებრაელი ხალხის წინააღმდეგ ჩადენილი ყველაზე საშინელი სისასტიკის მიმართ", - აღნიშნა ისრაელის ელჩმა.