„ცაჰალის“ სპიკერის, დანიელ ჰაგარის განცხადებით, ისრაელის თავდაცვის ძალების მთავარ ამოცანად მძევლების გათავისუფლება რჩება. ამის შესახებ BBC იტყობინება.

„ვმუშაობთ დასახული მიზნების მისაღწევად. ესენია „ჰამასის“ დაშლა, სასაზღვრო უსაფრთხოება და გატაცებული მძევლების გათავისუფლება. ეს უკანასკნელი უზენაეს ეროვნულ ძალისხმევას წარმოადგენს. მთელი ჩვენი საქმიანობა, როგორც ოპერაციული, ისე სადაზვერვო, მიმართულია ამ მიზნის მიღწევაზე“, - განაცხადა დანიელ ჰაგარიმ.