იუსტიციის მინისტრის, რატი ბრეგაძის განცხადებით, ლევან ხაბეიშვილს ურჩევს, რომ ისაუბროს ისე, როგორც შეეფერება პოლიტიკოსს.

რატი ბრეგაძემ ჟურნალისტებთან კომენტარი გააკეთა „ნაციონალური მოძრაობის“ თავმჯდომარის ლევან ხაბეიშვილის დღევანდელ განცხადებაზე, სადაც ის ამბობს: „რამდენჯერმე მაქვს მიწერილი პაპუაშვილისთვის და სააკაშვილთან შესვლაზე დადებითი პასუხი არ ყოფილა. ვაფრთხილებ, რომ მოუწევს ძალიან ცუდ, არასაქმიან გარემოში ყოფნა პარლამენტის მისსავე ოთახში.“

„ეტყობა, ამ იმიტირებულ როკი ბალბოას თავი მართლა როკი ბალბოა ჰგონია და ვეღარ ერკვევა, თუ სად არის, სავარჯიშო მოწყობილობასთან თუ პოლიტიკაში. მე მას ნამდვილად ვურჩევდი, რომ ისაუბროს ისე, როგორც შეეფერება პოლიტიკოსს, დაიცვას საქართველოს კანონმდებლობა და თავი შეიკავოს არაფრისმომცემი, საბრალო მუქარებისგან“, – განაცხადა რატი ბრეგაძემ.