"700 მილიონით გაიზარდა საქართველოს ბიუჯეტის შესაძლებლობები," - ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მიხეილ სარჯველაძემ განაცხადა.

მისი თქმით, 700 მილიონით მეტი რაღაცის დაფინანსებას შეძლებს საქართველოს სახელმწიფო.

„ჩვენ ვნახეთ, ამ 700 მილიონიდან რა შესაძლებლობებზეა საუბარი და რა შეიძლება გაკეთდეს სასიკეთო. ამ სახსრების უდიდესი ნაწილი ხმარდება ქვეყნის კეთილდღეობას, განვითარებას და სოციალურ პროექტებს. ეს არის ძალიან მნიშვნელოვანი. ყველაზე მეტად ვისაც აქვს მწვავე საჭიროებები, მათზეა ორიენტირებული, რომ მათი პრობლემები რაც შეიძლება მეტად შეამსუბუქოს“, - აღნიშნა მიხეილ სარჯველაძემ.